Eins og einhver ykkar hafa tekið eftir þá gerðist það fyrir helgina að einhverjir brandarakallar komust inná síðuna hjá mér og upp kom einhver leiðinda vitleysa þegar þið reynduð að skoða prjonakona.com. Ég tók þá ákvörðun að loka síðunni tímabundið, þ.e. taka niður innihaldið, og vinna í hlutunum. Vonandi hefur okkur tekist að koma í veg fyrir að fleiri brandarkallar geri skandala á síðunni.

Næstu daga verða ábyggilega áfram einhverjar smávægilegar breytingar og biðst ég velvirðingar á því.

Elín

Vel tókst til með fyrstu tilraunina á að halda námskeið utan höfuðborgarsvæðisins. Prjónakonur á Selfossi eru greinilega alveg jafn nýjungagjarnar og þær á höfuðborgarsvæðinu og troðfylltu fyrstu tvö námskeiðin.

Nú er svo komið að ég er með biðlista fyrir þær sem hafa áhuga og þegar ljóst verður að nógu margar sýna námskeiðinu áhuga verður boðið upp á tvö námskeið til viðbótar. Endilega hafið samband og látið mig vita svo ég geti farið að finna dagsetningar fyrir næstu námskeið - framhaldið er í ykkar höndum.

Búið er að setja niður námskeið í Nálinni 26. ágúst og 2. september. Skráning fer fram í Nálinni eða í gegnum netið: nalin hjá nalin punktur is.

Eins og venjulega þá er námskeiðið yfir tvö kvöld með viku millibili.